Fréttir
Chile: áfallahjálp og matargjafir
Þrátt fyrir að enginn í SOS Barnaþorpunum í Chile hafi slasast í jarðskjálftanum mikla á dögunum má segja að slys hafi orðið á sálum bæði barna og starfsfólks.
Yfirstjórn SOS í Chile leitaði til háskólans í Concepcion eftir aðstoð sálfræðinga sem brugðust skjótt við og veittu bæði börnum og starfsfólki þorpsins áfallahjálp. SOS-mæðurnar fá sérstakan stuðning, enda mæðir gjarnan mest á þeim þegar börnunum líður illa.
Í Concepcion hefur starfsfólk SOS staðið fyrir matvæladreifingu til illa staddra nágranna barnaþorpsins. Um 600 börn í borginni og fjölskyldur þeirra fá matvælaaðstoð frá SOS. Samtökin njóta aðstoðar staðaryfirvalda, kirkjunnar og fleiri aðila við að finna út hvaða barnafjölskyldur þurfa mest á hjálp að halda.
Öll barnaþorpin okkar í Chile hafa nóg af mat og drykkjarvatni.
Barnaþorpið í Bulnes varð verst úti í skjálftanum. Sex hús í þorpinu eru óíbúðarhæf.
Börnin í barnaþorpinu í Malleco sváfu í tjöldum eftir skjálftann af ótta við eftirskjálfta.
Morgunverður undir berum himni í Bulnes eftir skjálftann.
