Fréttir
Íslensk yfirvöld styrkja SOS á Haítí
Utanríkisráðuneytið hefur ákveðið að veita SOS Barnaþorpunum tveggja milljóna króna styrk vegna neyðaraðstoðar í kjölfar jarðskjálftans 12. janúar sl.
Styrkurinn er hluti 15 milljóna króna framlags sem ríkisstjórn Íslands ákvað að veita til félagasamtaka sem sinna hjálparstarfi á Haítí. Einnig fengu Barnaheill, Rauði krossinn og Hjálparstarf kirkjunnar styrki.
Með neyðaraðstoð sinni fyrstu vikur og mánuði eftir skjálftann leggja SOS Barnaþorpin á Haítí höfuðáherslu á að:
- Annast þau börn sem þegar voru á framfæri samtakanna þegar skjálftinn reið yfir auk þeirra barna sem virðast umkomulaus og fengið hafa skjól hjá samtökunum.
- Hjálpa barnafjölskyldum í neyð að skipuleggja líf sitt á ný og styðja þær til sjálfbærni.
Alls munu um 40.000 manns njóta ofangreindrar neyðaraðstoðar SOS á Haítí.
Þá vinna samtökin nú að uppbyggingaráætlun á Haítí til næstu 10 – 12 ára með áherslu á:
- Barnavernd (Tryggja framtíð barna í umsjá náinna ættingja sé þess nokkur kostur)
- Húsnæði fyrir heimilislausa (Byggja heimili fyrir barnafjölskyldur sem misstu heimili sín)
- Menntun barna (Byggja leik- og grunnskóla)
- Heilbrigðismál (Koma upp heilsugæslustöðvum)
- Menntun opinberra starfsmanna (Í málefnum og réttindum barna)
Allt uppbyggingarstarf verður unnið í nánu samstarfi við yfirvöld á Haítí.
Salernisaðstöðu fyrir almenning komið upp í SOS Barnaþorpinu í Santo
