Hermann Gunnarsson fjölmiðlamaður lést á Tælandi þann 4. júní. Hermann var velgjörðarsendiherra SOS Barnaþorpanna frá 2009 og allt til dauðadags.

SOS Barnaþorpin á Íslandi hafa nú skilað ársreikningi fyrir árið 2012. Alls námu framlög og tekjur samtakanna tæpri 351 milljón króna sem er aukning um 17% frá fyrra ári. Framlög til hjálparsamtakanna hafa aldrei verið hærri.

Knattspyrnumaðurinn Dante sem leikur með Bayern München er nýr velgjörðarsendiherra SOS Barnaþorpanna. Lið hans leikur á morgun til úrslita í Meistaradeild Evrópu á Wembley leikvanginum í Lundúnum.

Í fyrra nutu þúsundir umkomulausra barna í 106 löndum góðs af framlögum íslenskra styrktarforeldra og barnaþorpsvina. En hvaða lönd eru þetta og hve margar krónur fara til hvers lands?

Mæðradagurinn er nú um helgina. Hvaða annar dagur er betur til þess fallinn að gefa munaðarlausum börnum móður? Nú um helgina getur þú lagt SOS Barnaþorpunum lið með kaupum á mæðradagsblómum og/eða kaffihlaðborði svo fleiri börn fái SOS-móður.

Íslenska utanríkisráðuneytið hefur ákveðið að styrkja Fjölskyldueflingu SOS Barnaþorpanna í Gíneu Bissá um 14.8 milljónir króna. Verkefnið miðar að því að hjálpa sárafátækum einstæðum foreldrum til fjárhagslegs sjálfstæðis þannig að þeir geti mætt þörfum barna sinna án utanaðkomandi aðstoðar.

Með því að greiða valgreiðslu frá SOS Barnaþorpunum í heimabankanum þínum tekur þú þátt í að gefa munaðarlausum og yfirgefnum börnum nýja móður, gott heimili og góða æsku.

Öflugur jarðskjálfti reið yfir Sichuan hérað í Kína nú um helgina. SOS Barnaþorpið í Chengdu er í um 100 km. frá upptökum skjálftans og fundu SOS-mæður og börn greinilega fyrir honum.

Vopnaðir menn, úr hópi uppreisnarmanna sem kallast Seleka, réðust inn í SOS Barnaþorpið í Bangui í Miðafríkulýðveldinu í gær í leit að vopnum.

Tekist hefur að fækka um helming þeim sem búa við örbirgð. Tilfellum ungbarnadauða hefur fækkað um 4.4 milljónir. Dauðsföllum vegna malaríu hefur fækkað um fjórðung. Stúlkur eru orðnar jafnmargar drengjum í grunnskólum. SOS Barnaþorpin hafa tekið þátt í að ná þúsaldarmarkmiðunum. Samtökin vara hins vegar við því að tíminn er naumur og fjöldi barna er enn í mikilli hættu.

Nýlega var sjöunda SOS Barnaþorpið í Eþíópíu opnað með formlegum hætti. Þorpið er staðsett í útjaðri Jimma og þar verður heimili allt að 150 munaðarlausra og yfirgefinna barna.

Christine Lagarde framkvæmdastjóri Alþjóða gjaldeyrissjóðsins (AGS) heimsótti nýlega SOS Barnaþorpið í Abobo-Gare á Fílabeinsströndinni. Með í för voru einnig forsetafrú landsins og nokkrir ráðherrar.

Nauðganir og hópnauðganir á Indlandi hafa verið til umfjöllunar um allan heim að undanförnu. Eldri börnin okkar og starfsfólk á Indlandi hafa ekki farið varhluta af þeirri umræðu. Ishita Kaul er 26 ára gömul dóttir alþjóðaforseta SOS Barnaþorpanna Siddharta Kaul. Hún hefur mjög látið sig varða réttindi kvenna á Indlandi.

Nýlega var fyrsta skóflustungan tekin að nýju SOS Barnaþorpi á Haítí en bygging þorpsins er hluti af þriðja áfanga hjálparstarfs SOS eftir að jarðskjálfti lagði samfélagið nánast í rúst árið 2010.

Eins og kunnugt er hafa vígbúnir íslamistar barist við yfirvöld í Malí undanfarið og hafa átök farið harðnandi í norðurhluta landsins. Frakkar hafa sent hersveitir sínar til landsins og það sama hafa nágrannaríki Malí gert. SOS Barnaþorpin hafa starfað í landinu um margra ara skeið.

„Ég hef ekki efni á að brauðfæða stúlkuna“ stóð á miða sem fylgdi fjögurra ára gamalli stúlku sem skilin hafði verið eftir á leikskóla í Aþenu í mars 2011. Í dag lifir stúlkan góðu lífi undir verndarvæng SOS Barnaþorpanna.

Hvað gerist þegar asísk sjónvarpsstöð spyr tvo drengi í SOS Barnaþorpi á Indónesíu hvað þeir vildu helst gera fyrir sitt nærsamfélag - og hjálpuðu þeim svo að láta draumana rætast?

Nýverið héldu nemendur Menntaskólans í Reykjavík góðgerðarviku þar sem safnað var fé til styrktar SOS Barnaþorpunum og ABC barnahjálp. Hvor samtök fengu tæpar tvö hundruð þúsund krónur.

„Hér er hvorki gull né fílabein. Hér eru bara börn.“ Þannig komst sænski rithöfundurinn Henning Mankell að orði við formlega opnun nýs barnaþorps í Mósambík sem hann sjálfur fjármagnaði að fullu.

Nú fyrir jólin hélt söngkonan Írena Víglundsdóttir styrktartónleika á Hellu fyrir SOS Barnaþorpin. Framlagið, kr. 477.500 fer í endurbætur á niðurníddu barnaþorpi á Haítí.

Íslendingar hafa um langt árabil staðið þétt við bak munaðarlausra og yfirgefinna barna og gefið þeim nýtt líf í SOS Barnaþorpum. Í dag er fjöldi þeirra SOS barna sem eiga íslenska styrktarforeldra nærri 6.000 og hefur þeim fjölgað talsvert á árinu.

Viltu senda vinum og ættingjum jólakort en finnst það of mikið umstang eða of dýrt? Nú getur þú sent rafræn jólakort SOS Barnaþorpanna fyrirhafnarlítið og styrkt barnahjálp samtakanna um leið.

Undanfarnar vikur hafa konurnar í kvenfélaginu Fjallkonunum, félagar og starfsfólk úr félagsstarfi aldraðra í Eirhömrum í Mosfellsbæ, félagar úr starfi aldraðra í Gerðubergi og Katrín Gunnarsdóttir á Þingeyri prjónað ullarsokka fyrir skjólstæðinga SOS í Úkraínu.

Jólakort SOS Barnaþorpanna fyrir 2012 eru komin út. Um er að ræða sjö ný kort eftir Huldu Ólafsdóttur, Ingibjörgu Eldon Logadóttur og unga stúlku í Jórdaníu.

SOS Barnaþorpin eru komin með í sölu tvöföldu geislaplötuna Latínudeildina.Helmingur söluverðs diskanna rennur beint til hjálparstarfs SOS Barnaþorpanna meðal munaðarlausra og yfirgefinna barna í Suður Ameríku.

A.m.k. 48 manns létu lífið í gær þegar gríðarstór jarðskjálfti skók Gvatemala og talið er að sú tala eigi eftir að hækka nokkuð. Skjálftinn mældist 7.4 stig á Richter. SOS Barnaþorpin eru með 20 verkefni í landinu og um 2.500 skjólstæðinga. Engan þeirra sakaði svo vitað sé.

Átök stjórnarhersins og uppreisnarmanna halda áfram í Sýrlandi. Barnaþorpin okkar tvö voru rýmd fyrir nokkru síðan og börnunum hefur verið komið fyrir á stöðum sem taldir eru öruggir – svo langt sem það nær í stríðsástandi!

Að hjóla tæpa 500 kílómetra um Líbanon hljómar kannski ekki eins og rómantísk brúðkaupsferð. En nýgift hjón frá Norwich í Bretlandi gerðu einmitt það til styrkar SOS Barnaþorpunum nú síðastliðinn október.

Menningarmálastofnun Sameinuðu þjóðanna (UNESCO) hefur veitt Ali Mahdi framkvæmdastjóra SOS Barnaþorpanna í Súdan heiðursnafnbótina „listamaður friðar“ fyrir næstu tvö ár.

Þann 10. október síðastliðinn var haldin opnunarhátíð fyrir nýtt barnaþorp í Chipata í Sambíu. Þorpið var fjármagnað af breskum styrktaraðilum og þar munu 150 börn dvelja við gott atlæti fram á unglingsár.

SOS Barnaþorpin og Míra skrifuðu nýverið undir samstarfssamning sem felur í sér að hluti ágóðans af sölu húsgagnanna á Íslandi fer aftur til Indlands og rennur í sjóð sem styrkir SOS barnaþorpið í Bawana.

Míra verður með sölusýningu á Grand hótel Reykjavík helgina 20-21 október.

Malala Yousafzai, 14 ára pakistönsk stúlka, sem skotin var í höfuðið vegna þess hve staðráðin hún er í því að mennta sig er nú orðin að alþjóðlegu tákni fyrir réttindabaráttu stúlkna. Forseti SOS Barnaþorpanna í Pakistan, Souriya Anwar, hefur sent frá sér yfirlýsingu þar sem hún fordæmir árásina harðlega og hvetur alla til að berjast fyrir grundvallar mannréttindum.

SOS Barnaþorpin á Haítí hafa nú tekið í notkun 14 nýjar kennslustofur í grunnskóla sínum í Port-au-Prince. Samtökin hafa auk þess þegar afhent yfirvöldum einn nýjan skóla og á næstu vikum verða fjórir nýir skólar teknir í notkun. Framkvæmdir við nýjan 500 manna grunnskóla hefjast svo nú í nóvember.

Átaksverkefninu Prjónað fyrir SOS börn í Úkraínu verður hleypt af stokkunum 10.október og verður prjónað á miðvikudagskvöldum frá 19.30.

Nú í vikunni voru börnin í barnaþorpinu í Aleppo í Sýrlandi flutt yfir til Damaskus af öryggisástæðum. Ástandið í Aleppo var orðið yfirþyrmandi og börnin talin mun öruggari í Damaskus.

Frjáls félagasamtök á Íslandi, sem starfa að alþjóðlegri þróunarsamvinnu, standa að kynningu á þróunarmálum í samstarfi við Þróunarsamvinnustofnun Íslands vikuna 17.-22. september. Þetta er í annað sinn sem þessi hópur stendur að slíku átaki en áherslan í ár er á ójöfnuð í heiminum.

SOS barnaþorpin og Míra skrifuðu nýverið undir samstarfssamning sem felur í sér að hluti ágóðans af sölu húsgagnanna á Íslandi fer aftur til Indlands og rennur í sjóð sem styrkir SOS barnaþorpið í Bawana.

Nú í sumar fengu SOS Barnaþorpin styrk frá utanríkisráðuneytinu til að styðja við bakið á sárafátækum barnafjölskyldum í Gíneu Bissá. Um 200 börn og foreldrar þeirra munu fá hjálp til sjálfshjálpar.

Þrír ungir drengir söfnuðu 20 þúsund krónum með tombólu á afmælishátíð Ungmennafélags Staðarsveitar. Ágóðinn rennur til styrktar SOS Barnaþorpum.

Ástandið í Sýrlandi heldur áfram að versna. Blóðugir bardagar eru háðir dag hvern og börn og aðrir saklausir borgarar upplifa mikinn ótta. Börnin í SOS Barnaþorpunum eru þar ekki undanskilin.

Hitabeltisstormurinn Ísak gekk yfir Haítí um nýliðna helgi. Ekkert barna okkar eða starfsmanna sakaði en lítilsháttar skemmdir urðu á búnaði og einu bráðabirgðahúsnæði í Port-au-Prince.

Sl. laugardag (menningarnótt) tóku tveir bræður í miðborg Reykjavíkur sig til og héldu tombólu til styrktar SOS Barnaþorpunum. Seldu bræðurnir fyrir hvorki meira né minna en 15.000 krónur og hafa þeir þegar komið upphæðinni til samtakanna.

SOS Barnaþorpin á Filippseyjum komu nýverið börnum á flóðasvæðum til hjálpar og færðu þeim matvæli og fleira eftir að flóðin færðu heimili þeirra í kaf.

Undanfarna daga hafa átök á milli stjórnarhers A-Kongó og uppreisnarmanna aukist með tilheyrandi óöryggi fyrir almenning í landinu. Nærri hálf milljón landsmanna hefur flúið heimili sín vegna þessa og er á vergangi. SOS Barnaþorpin undirbúa neyðaraðstoð vegna þessa.

Ef allt gengur að óskum mun framkvæmdum við nýjan grunnskóla SOS Barnaþorpanna í Úganda ljúka á næstu vikum. Íslendingar taka þátt í fjármögnun framkvæmdanna með 17 milljóna króna framlagi.

SOS Barnaþorpin sinna nú 110 börnum í flóttamannamiðstöð á landamærum Súdan og Suður Súdan þar sem börnin fá áfallahjálp. Von er á enn fleiri börnum

Þessa dagana eru SOS Barnaþorpin á Haítí og í Suður-Súdan að taka á móti fjölda barna sem hefur verið hafnað og eiga enga að. Í því sambandi höfum við leitað til stuðningsaðila okkar hér á landi eftir hjálp.

Indverjinn Siddhartha Kaul var kosinn alþjóðaforseti SOS Barnaþorpanna á allsherjarþingi samtakanna sem lauk í Innsbruck í Austurríki um helgina, en þar voru samtökin stofnuð árið 1949. Þetta er í fyrsta sinn í 63 ára sögu SOS Barnaþorpanna sem alþjóðaforseti þeirra er ekki austurrískur.

Talið er að um 4.000 umkomulaus börn búi í rússnesku borginni Pskov og nágrenni hennar en nú á dögunum var nýtt SOS Barnaþorp fyrir allt að 80 börn opnað í Pskov.

SOS Barnaþorpin og Garðheimar tóku höndum saman á mæðradeginum, þann 13. maí, og söfnuðu fé til menntunar SOS-mæðra. Af hverjum seldum mæðradagsvendi runnu 100 krónur til málefnisins.

Nemendur unglingadeildar Salaskóla stóðu á dögunum fyrir kaffi- og kökusölu til styrktar börnum í SOS Barnaþorpum í þremur löndum í jafn mörgum heimsálfum.

Vefsíða SOS Barnaþorpanna í Bretlandi sem sýnir okkur Afríku með augum afrískra barna fékk á dögunum verðlaunin One World Award í flokknum New Media en alls voru nokkur hundruð vefir tilnefndir til verðlaunanna.

SOS Barnaþorpin hafa sinnt barnahjálp í Aserbaídsjan frá árinu 2000 þegar fyrsta barnaþorpið í landinu var opnað fyrir munaðarlaus og yfirgefin börn.

Fyrstu vandalausu flóttabörnin sem yfirvöld í Súdan ákváðu að flytja með valdi yfir til Suður-Súdan eru komin í hendur SOS Barnaþorpanna í höfuðborginni Juba. Gert er ráð fyrir að um 500.000 flóttamenn verði reknir til Suður-Súdan, þar af um 2.000 vandalaus börn.

SOS Barnaþorpin hafa gert úttekt á stöðu barnafjölskyldna í 86 löndum, skilgreint fimm helstu ógnir fjölskyldna og sett fram tillögur til úrbóta.

Nú um mæðradagshelgina munu 100 krónur af hverjum seldum blómvendi í Garðheimum Mjódd renna til starfsþjálfunar SOS-mæðra í Afríku en þær ala upp munaðarlaus og yfirgefin börn í SOS Barnaþorpunum.

134 flóttabörn stunda nú nám við skóla SOS Barnaþorpanna í Malí eftir að þau neyddust til að flýja heimili sín og skóla vegna átaka í norðurhluta landsins. Sum barnanna hafa orðið viðskila við foreldra sína.

„Maður þarf að vera viss um að féð rati á réttan stað. Það var það sem réði baggamuninn. Verkefnið er áþreifanlegt og engir milliliðir sem hirða til sín hluta af fénu,“ segir gamli góði ABBA meðlimurinn Björn Ulvaeus en ABBA tekur nú þátt í fjármögnun nýs SOS Barnaþorps í Afríku.

Í fyrra nutu þúsundir umkomulausra barna í 108 löndum góðs af framlögum íslenskra styrktarforeldra og barnaþorpsvina. En hvaða lönd eru þetta og hve margar krónur fara til hvers lands?

Nýtt barnaþorp hefur verið tekið í notkun í Kisumu í Kenía. Þorpið er staðsett á gullfallegum stað í vesturhluta landsins með útsýni yfir Viktoríuvatn. Það var forsætisráðherra Kenía, Raila Odinga sem opnaði þorpið formlega.

Hvers vegna leita mörg hundruð foreldrar í ESB-ríki til SOS Barnaþorpanna og biðja í örvæntingu samtökin um að taka að sér börn sín vegna fátæktar? Og það á árunum 2011 og 2012!

Börn og starfsfólk allra SOS Barnaþorpanna á Indónesíu eru heil á húfi eftir að gríðarlega öflugur jarðskjálfti varð úti fyrir ströndum Súmötru (indónesísk eyja) í morgun.

SOS Barnaþorpið í Mopti í Malí hefur verið rýmt og börnunum komið fyrir í tveimur öðrum barnaþorpum í landinu. Þetta er gert til að tryggja öryggi barnanna í því upplausnarástandi sem ríkt hefur í landinu eftir að forseta landsins var steypt af stóli í síðasta mánuði.

Nýverið var 521. SOS Barnaþorpið opnað við hátíðlega athöfn í Tirupati á Indlandi. Þorpið verður æsku- og uppvaxtarheimili allt að 120 umkomulausra barna á hverjum tíma.

SOS Barnaþorpin í hinu nýstofnaða ríki Suður-Súdan undirbúa nú móttöku allt að 400 umkomulausra flóttabarna sem yfirvöld í Súdan ætla að reka úr landi á næstu dögum. Allt verður gert til þess að hjálpa börnunum og sameina þau ættingjum sínum.

Eins og allir vita gengur gríska þjóðin nú í gegnum mikla efnahagserfiðleika og eru margar fjölskyldur í sárri neyð. Á rúmu ári hafa foreldrar fleiri en 1000 barna leitað til SOS Barnaþorpanna í Grikklandi og beðið samtökin um að annast börnin vegna þess að þeir sjálfir geta ekki brauðfætt þau.

Nýverið var fyrsta skóflustungan tekin að nýju SOS Barnaþorpi í bænum Jaffna á Sri Lanka. Bærinn er á norðurhluta eyjunnar og munu yfir 100 umkomulaus börn fá þar fjölskyldu og heimili út æskuárin.

Nú í mars hyggjast stjórnvöld í Súdan reka um 2000 flóttabörn yfir landamærin til Suður-Súdan en þangað eiga börnin rætur sínar að rekja. Yfirvöld í Suður-Súdan eru illa í stakk búin til að taka við börnunum, enda rambar þjóðin á barmi borgarastyrjaldar.

Þann 5. febrúar s.l. var opnað nýtt SOS Barnaþorp í Bangladess. Í þorpinu munu allt að 140 umkomulaus börn eignast móður, systkini og gott heimili.

Tvær bílasprengjur sprungu skammt frá SOS Barnaþorpinu í Aleppo í Sýrlandi sl. föstudagsmorgun. 28 létu lífið í sprengingunum en engan sakaði í barnaþorpinu.

Nýverið lauk framkvæmdum við nýtt SOS Barnaþorp í Kisumu í Kenía með sérstakri hátíðarathöfn. Dr. Ida Odinga, eiginkona forsætisráðherra landsins, var viðstödd hátíðina.

Þann 21. janúar sl. varð gassprenging í níu hæða fjölbýlishúsi í Darkhan í Mongólíu með þeim afleiðingum að 36 fjölskyldur urðu heimilislausar. SOS Barnaþorpin brugðust við neyð nokkurra fjölskyldna með því að bjóða þeim gistingu.

Engan í SOS Barnaþorpum sakaði og tjón virðist ekki hafa orðið á byggingum samtakanna þegar jarðskjálfti reið yfir Filippseyjar í morgun.

Nú þegar rúm tvö ár eru liðin frá mannskæðum jarðskjálfta á Haítí hafa yfirvöld þar ásamt Barnahjálp Sameinuðu þjóðanna (Unicef) beðið SOS Barnaþorpin um að taka að sér 200 börn frá illa búnum munaðarleysingjaheimilum.

Flest bendir nú til þess að hungursneyð sé yfirvofandi í nokkrum löndum í V-Afríku. Malí, Búrkína Fasó og Senegal eru í mestri hættu. Þurrkar hafa leitt til uppskerubrests og verulega hefur gengið á matarbirgðir. SOS eru í viðbragðsstöðu vegna þessa.

Þann 12. janúar 2010 reið öflugur jarðskjálfti yfir Haítí. Yfir 230.000 manns fórust og þrjár milljónir manna slösuðust, misstu heimili sín eða urðu fyrir öðrum áföllum vegna skjálftans. Um 500 umkomulausum börnum var komið í hendur SOS Barnaþorpanna.

Öll börn, mæður og starfsfólk SOS Barnaþorpsins í Puducherry á Indlandi er óhult eftir að hvirfilbylur gekk yfir þorpið á gamlárskvöld.

Bílabúð Benna hefur afhent SOS Barnaþorpunum framlag að upphæð kr. 700.000 sem rennur óskipt til barnahjálpar samtakanna í Gambíu í V-Afríku.

Íslensk stjórnvöld hafa ákveðið að leggja 10 milljónir króna til neyðaraðstoðar SOS Barnaþorpanna við sómalska flóttamenn í Eþíópíu. Neyðinni í A-Afríku er hvergi nærri lokið.

Þann 14. nóvember sl. var stór dagur fyrir umkomulaus börn í bænum Juliaca í Perú en þá var opnað þar nýtt SOS Barnaþorp fyrir 120 börn.

Nú á dögunum var nýtt barnaþorp tekið í notkun í Afríkuríkinu Níger. 120 börn sem sum þurftu áður að betla á götum úti eiga nú gott heimili, SOS-móður, systkini og fá að ganga í góðan skóla.

Frá því að SOS Barnaþorpin hófu neyðaraðstoð í Austur-Afríku í júlí sl. hafa samtökin bjargað mannslífum og bætt lífsskilyrði yfir 70.000 fórnarlamba hungursneyðarinnar.

Nýtt SOS Barnaþorp var formlega tekið í notkun í Kólumbíu þann 18. nóvember sl. að viðstöddum fulltrúum alþjóðasamtaka SOS, yfirvalda, svissneskra styrktaraðila og nágranna þorpsins.

Í lok október fluttu fyrstu átta börnin í nýtt SOS Barnaþorp í Vologda í Rússlandi. Börnunum mun svo fjölga smám saman en þorpið á að geta tekið við allt að sextíu umkomulausum börnum.

Í Jórdaníu eru hjúskaparbrot flokkuð sem glæpur sem fangelsisvist liggur við. Þannig eru börn ekki aðeins aðskilin frá foreldrum sínum heldur missa þau líka ættarnafn sitt. Nýverið stóðu SOS Barnaþorpin í Jórdaníu fyrir málþingi um réttindi barna sem fæðast utan hjónabands.

Ung kanadísk kona hefur undanfarna 16 mánuði hjólað yfir þvert og endilangt Kanada (og farið ýmsar krókaleiðir) fyrir SOS Barnaþorpin.

Þessa dagana erum við að hringja í einstaklinga sem styrkt hafa SOS Barnaþorpin á undanförnum árum og bjóða þeim að endurnýja stuðning sinn við munaðarlaus og yfirgefin börn.

Jólakort SOS Barnaþorpana 2011 eru komin í hús. Þau eru eftir listakonuna Ingibjörgu Eldon Logadóttur og eru skreytt með gull- og silfurfólíu.

SOS Barnaþorpunum hefur borist 9.000 kr. framlag frá fjórum börnum sem seldu vörur til styrktar SOS á menningarnótt í ágúst síðastliðinn.

Eina sjúkrahúsinu í Sómalíu sem ekki krefur sjúklinga sína um greiðslu er nú haldið lokuðu af stríðandi fylkingum. Þetta er Sjúkrahús SOS í Mogadishu.